قصيده لشاعر مشعل زيد السويدي مدح في خشمان سالم السويدي

خشمان يولد لك مثل راس خشمـان =
دعوة صدوق(ن) داعيلك على خيـر
ياقاله المنصح على قلـب ولسـان=
ساعة إجابه والولـي عنـده يجيـر
ياسعد فالك كاسـب اليـوم ربحـان=
تكسب شبيه كليب و إلا على الزيـر
يالزيح يالزحزيح يالقاسـي الحـان=
يالهاقـي الزيـزوم للضـد شريـر
بالموقف اللي ينحسب مر الازمـان=
شهرت بـارودك ولا جبـت تبريـر
يومك تقول العيش والمـوت سيـان=
ماخفت شيء(ن) بالقدر كانه يصيـر
مشعل عضيدك والولي دوم رحمـان=
يومك على المخطين نيـران تفجيـر
غيره كثير ولا تجي وسـط ديـوان=
ولا تنحصي لو جبتها وسط تعبيـر
يفخر بها المسمى على ظلع حبـران=
ويطنخ بها الداني قبل طنخة الغيـر
والخرج لو قالت من الهرج وكـدان=
في طيب ابو تركي تبـث التقاريـر
قال الكرم في ذبحة العيـر والضـان=
ورمز الصياني بالكرم خيـر تقديـر
حر(ن) كريم بساحة المجد له شـان=
وافي بدرب الطيب من يومه صغيـر
يامسندي خشمان هالوقـت خـوان=
شيخ نفوس(ن) مسكنه قاعة البيـر
ناس(ن) نسة وقفاتكم ماض الأزمان=
يومه لفت في بابكم ضعف وتجيـر
تنخى تقول اليوم خشمان خشمـان=
تكفى يابو تركـي تحـل المعاسيـر
تنخى بعال الصوت ياطيـر حـوران=
والحر ابو تركي بهـا قـام ويسيـر
شفهم على رد المعاريـف صلبـان=
اللي قبل في بابكـم هـم جماهيـر
اليوم أشوف الكـل هايـم وفسقـان=
معروفكـم بكتابهـم صـار تزويـر
الجرم واضح يكفي الجـرم جحـدان=
واضح دليل الجرم من غير تصويـر
وقبلك ابو مشعل لهم قـام بحسـان=
يمشي على الصعبات لو به مخاطير
زمل زمل وأسس على المجد بنيـان=
يصعب على الشيهان يصلـه يطيـر
دايم ابو مشعـل وخشمـان ميـزان=
في كفة(ن) ترجح على صفة الغيـر
أقسم قسم باللي فرض خمس الأركان=
الواحـد المعبـود وال المقـاديـر
قلت القصيدة والسبب عز خشمـان=
واللي يعارض عندي الفيـن تبريـر