شيخ غزى بس الزماميـل والخيـل =
يبي مقانيصـه بغـرات الاجنـاب
اول زمانـه بيـد الكنـس الحيـل=
وخبط بيمناه البحر عقـب ماشـاب
وياجت على درب القسى والمصاويل=
شيخ يقلـط لـول الزمـل نجـاب
وارح النذير وفـزع النـزل بالليـل=
والخيل ركبت ماجـلا فيهـا الاداب
وغشى زبار وريك مثـل الهماليـل=
ونشبت رماح القوم بقطي الاصحاب
ترايعـو للهوش ربـع مشاكـيـل=
حمايـة التاليـن والخيـل هـراب
عيال الطنايـا معربيـن الاخاويـل=
ومعهم سناعيس عريبين الانسـاب
تصافقـوا بالغـف بحـد الغراميـل=
والله علم بمصافـق الحـر لعقـاب
الكل منهم فـارس يـردع الخيـل=
متكاضمين مثل ابـا زيـد وذيـاب
اولاد وايـل مثـل جـاري السيـل=
قدامهـم ربـع يعوقـون الاطـلاب
مافوقهم كود الجـوخ والسراويـل=
ورماح يوردن اشهب الموت بحراب
شمر على قب المهـار المشاويـل=
حريبهم لـه لـذة النـوم ماطـاب
حريمنـا لشيـخ زجـن هلاهـيـل=
توكدن من شلعـت الحـر لعقـاب
وحريمهم يشدن صريخ المحاحيـل=
جاهن علم مع هل الخيـل ماطـاب
ياضبيب لو ذبحت كـل الزماميـل=
ذبحت دخيل البيت ماتفتـح البـاب
ذبحتهم ياضبيـب عقـب التعاليـل=
وفعلت فعل يااسود الوجه ماطـاب
عينت شيخ واقـع بايمـن الخيـل=
شيخ عليه البيض قـددن الاجيـاب
شيخ عليه البيض جـددن بالويـل=
تعاطفن مثـل المغاتيـر الاشبـاب
مثل البكار اللـي يخططـن بالنيـل=
الهنف زينات المـذارع والارقـاب
غدوبه اللـي يلبسـون السراويـل=
اكالـت الديـوان بديـار الاجنـاب
وان كان نوت تزعج الصوت بالحيل=
لعيون هيفا نردع الشيـخ بحجـاب
انحمد اللي بالوسـى عـدل الميـل=
صارت عليكم يوم قديـت الاسبـاب
اربـع ليـال مالقـوه المـداويـر=
عليت يا وجه كوح الصبح بتـراب
يا عقاب سلف عند وجهك مشاكيـل=
وانت القضى بهذلول عواق الاطلاب
دنيـاك هـذي يالعواجـي غرابيـل=
من قد جيب الناس قدولـه اجيـاب