شكرا" جزيل وباقة الورد وأبيــــــــــــات = لأولاد زامل زيد قاله هديــــــــــــــــــه

ربعي هل الطولات فعله بطـــــــــــــــولات = اللي لهم نارن مع الوقت حيـــــــــــــه

تاريخهم ماينحصي بالسجــــــــــــــــــلات = مثل الجبال الراسيات القويــــــــــــــه

افعول ربعي بالعصور القديمـــــــــــــا ت = اليوم هذا عقبهم صار زيــــــــــــــــــه

الحر لوهو مات عقبه فلا مــــــــــــــــــات = نشوم للعليا ونكره رديـــــــــــــــــــه

امجادنا وسط القبايل جزيـــــــــــــــــلات = للزين زين و للعدو نار كيـــــــــــــــــه

حنا قبيله ماوجدبه حـــــــــــــــــــــزازات = الجد واحد والسميه سميــــــــــــــــــه

حزنا من الاجناب كثر الشهــــــــــــــادات = مدح بنا من سب قالو خطيـــــــــــــــه

قصيدة المخلص بيوته جميــــــــــــــــلات = من اولاد وايل قالها ياهنيــــــــــــــــه

والحربي اللي قال يذكر لحسنــــــــــات = خمسة عشر عامن ولا به رديـــــــــــــه

وايضا الشراري قال مابه مــــــــــــارات = وضح النقى قاله علومه نقيــــــــــــــه

وابن مسيب قال والقول بثبــــــــــــــات = يمدح ابن فليج قوله جزيـــــــــــــــــــه

اعتق قصير البيــــــــــت من دون زورات = اعتاق وجه الله مابه شكيـــــــــــــــــه

تاريخنا بالخير وايضا القوامـــــــــــــات = دايم ندور للبروج العليـــــــــــــــــــــــه

واليوم دور الخير كله مســـــــــــــــرات = حكم السعود اليوم عدله مزيــــــــــــــــه

على المحبه خير مابه خطيـــــــــــــــات = ياسعد من يمشي على الخير نيــــــــــه

عصر التطور والسعد والمســـــــــاوات = عصرن يموت اليوم بالجحر حيــــــــــــــه

في منتدى لسويد عبر القنــــــــــاوات = شبابنا وعقول والله ذكيــــــــــــــــــــه

لهم ثقة منا ونعطي وكـــــــــــــــالات = شباب عرفو شمسها غير فيــــــــــــــــه

اللي تهور شاف من كثر الآفـــــــــات = صارو مثل فتح وريس هنيـــــــــــــــــــــه

ايات شيء" فيه بغض و حــــــــزازات =تاليه ياكبره وفيه البليــــــــــــــــــــــــه

من قال انا عيبه شمخ كبـــــر آبانات = يروح وسط الموج يفقد خويـــــــــــــــــه

شبابنا حطولكم دوم مــــــــــــــرءآت = شوفوبه الصوره ويشبه حليـــــــــــــــــه

وحطو مصالحنا لكم دوم مشهـــــــات = وان عاضبة قولو مع الوقت عيــــــــــــــه

لا تحملون الجيش حمل العقيــــــــلات = بعض الزمول اليوم والله رديـــــــــــــــــــه

نصيحتي معكم على طول الاوقـــات = صيرو نحل نعيش وسط الخليـــــــــــــــــــه